जिरी (दोलखा) । रामेछापस्थित तामाकोशी नदीमा पौडी खेल्ने क्रममा एक युवक बेपत्ता भएका छन् ।
जिल्लाको मन्थली नगरपालिका १ हाटेचौर स्थित तामाकोशी नदीमा पौडी खेल्ने क्रममा दोरम्बा शैलुङ गाउँपालिका वडा नम्बर २ का १९ वर्षीय इशान विश्वकर्मा बेपत्ता भएका हुन् । आज मध्यान्ह करिब १२ बजे उनी पौडी खेल्ने क्रममा बेपत्ता भएको रामेछापका प्रहरी निरिक्षक शंकर श्रेष्ठले जानकारी दिनुभयो ।
प्रहरीका अनुसार नदी छेउमा उनको कपडा, घडी र मोबाइल फेला परेको छ । बेपत्ता विश्वकर्माको खोजी कार्य भइरहेको रामेछाप प्रहरीले जनाएको छ ।
