दोलखा । तामाकोशी नदिमा एक पुरुषको शव सडेगलेको अवस्थामा फेला परेको छ ।
तामाकोशी गाउँपालिका वडा नम्बर ५ किर्नेटार स्थित तामाकोशी नदिको किनारमा अन्दाजी ३५ वर्षिय एक पुरुषको शव फेला परेको हो । हिजो साँझ स्थानीयले नदिको किनारामा शव देखेपछि प्रहरीलाई खवर गरेका थिए । त्यस लगत्तै घटनास्थलमा पुगेको प्रहरी टोलीले घटनाको मुचुल्का तयार पारी ति पुरुषको शव पशुपति चौंलागाई स्मृति अस्पतालको शव गृहमा ल्याएर राखेको छ । दोलखाका प्रहरी निरिक्षक सुसिल केसीका अनुसार शव पुरै सडेगलेको अवस्थामा फेला परेकाले उनको केहीदिन अघि नै मृत्यु भएको हुनसक्ने अनुमान गरिएको छ । मृतक पुरुषको सनाखत हुन सकेको छैन ।
