काठमाडौँ । एन्फा महिला लिगमा बागमती प्रदेशले विजयी सुरुवात गरेको छ ।
ललितपुरको सातदोबाटोस्थित एन्फा कम्प्लेक्स मैदानमा भएको खेलमा सुदुरपश्चिम प्रदेशलाई पराजित गर्दै बागमती प्रदेशले विजयी सुरुवात गरेको हो । अस्मिता खवासको ह्याट्रिकको मद्धतमा बागमतीले सुदुरपश्चिमलाई ५–१ गोल अन्तरले पराजित गरेको छ । लिगमा ह्याट्रिक पुरा गर्ने अस्मिता पहिलो खेलाडी हुन् ।
पहिलो हाफको १७ औँ मिनेटमा गोल गर्दै बागमतीलाई अग्रता दिलाएकी अस्मिताले खेलको ८० र ८२ मिनेटमा गोल गर्दै ह्याट्रिक पुरा गरेकी हुन् । पहिलो हाफमा ३–० को अग्रता बनाएको बागमतीले दोस्रो हाफमा पुनः दुई गोल गरेको थियो । खेलको अन्तिम मिनेटमा सुदुरपश्चिमकी टुल्चा बोहोराले शान्त्वना गोल फर्काएकी थिईन् ।
