सोलुखुम्बु । सोलुखुम्बुमा नेपाली कांग्रेस र नेकपा माओवादी केन्द्रका कार्यकर्ताबीच झडप हुँदा तीन जना घाईते भएका छन् ।
जिल्लाको थुलुङ दुधकोशी गाउँपालिका वडा नम्बर १ नेले बजारमा चुनावी प्रचारप्रसारको क्रममा दुई पक्षबीच झडप हुँदा तीन जना घाईते भएका हुन् । झडपमा परी कांग्रेस वडा सभापति चुडाबहादुर बस्नेत, सचिव मिलन खत्री र दीपक सुनुवार घाईते भएको सोलुखुम्बु प्रहरीले जनाएको छ । उनीहरुको जिल्ला अस्पताल फाप्लुमा उपचार भइरहेको घाइतेको अवस्था सामान्य रहेको सोलुखुम्बुका प्रमुख प्रहरी नायव उपरीक्षक सुनिलजंग शाहले जानकारी दिनुभयो ।
