अवैध रुपमा अमेरिका प्रवेश गर्न खोज्नेमाथि मेक्सिकोमा गोली प्रहार हुँदा नेपाली सहित ६ जनाको मृत्यु भएको छ ।
मेक्सिकोको सेनाले गोली प्रहार गर्दा अमेरिका प्रवेश गर्न खोज्ने नेपाल, ईजिप्ट, क्युबा, भारत र पाकिस्तानका आप्रवासीहरुको मृत्यु भएको हो । उनीहरुमाथि मंगलबार उत्तरी ग्वाटेमालाको सीमा क्षेत्रमा गोली प्रहार भएको बताईएको छ । गोली लागेर अन्य १० जना घाईते भएका छन् । यद्धपी मृतक र घाईतेको पहिचान भने खुलाईएको छैन ।
सैनिकहरुले चेकपोष्टमा गाडी रोक्न खोज्दा चालकले नरोकेपछि सेनाले गोली चलाएको अधिकारीहरुले बताएका छन् । गाडीमा रहेका अन्य १७ जनालाई पनि पक्राउ गरेर अध्यागमनको जिम्मा लगाईएको छ । अमेरिकाले अबैध बाटो हुँदै आउने आप्रवासीलाई रोक्न मेक्सिकोमाथि दबाब बढाएपछि मेक्सिकोले कडा निगरानी सुरु गरेको छ ।
एजेन्सीको सहयोगमा
