सिन्धुली । सिन्धुलीमा माइक्रोबस दुर्घटना हुँदा १५ जना घाइते भएका छन् ।
सिन्धुलीको कमलामाई नगरपालिका –८ भिमान नजिकै सिस्नेरीमा माइक्रोबस दुर्घटना हुँदा १५ जना घाइते भएका हुन् । आज बिहान काठमाडौंबाट मोरङका लागि छुटेको बा ५ ख ६६१८ नम्बरको माइक्रोबस दुर्घटनामा परेको सिन्धुलीका एसपी गोविन्द पोखरेलले जानकारी दिनुभयो । घाइतेमध्ये ९ जनालाई थप उपचारको लागि बीपी कोइराला स्वास्थ्य विज्ञान प्रतिष्ठान धरान पठाइएको छ । ३ जनाको अवस्था गम्भीर रहेको प्रहरीले जनाएको छ । माइक्रोबसमा सवार १९ जना मध्ये चार जना सकुशल रहेका छन् ।
माइक्रोबस सडकबाट नालीमा खसेको थियो ।
