हाम्रो अपडेट 
दोलखा । दोलखाको शैलुङ गाउँपालिकामा मकैबारीमा गएका किसानलाई भालुले आक्रमण गरी गम्भीर घाईते बनाएको छ ।
शैलुङ गाउँपालिका– १ ताम्चेतदुधपोखरीका ६५ वर्षीय भक्तबहादुर तामाङलाई भालुले आक्रमण गरी गम्भीर घाईते बनाएको हो । आज बिहान सबेरै मकैबारीमा गएका भक्तबहादुरलाई भालुले आक्रमण गरेको हो ।
भालुको आक्रमणबाट भक्तबहादुरको अनुहार क्षेतविक्षेत भएको र अवस्था गम्भीर रहेको वडाअध्यक्ष बिरबहादुर घतानीले जानकारी दिनुभयो । गम्भीर घाईते भएका किसान भक्तबहादुरलाई उपचारका लागि काठमाडौँ लगिएको छ ।
यद्यपी दोलखा प्रहरीले भने घटनाबारे जानकारी आएको तर थप विवरण आउन बाँकी रहेको बताएको छ ।
