काठमाडौँ । काठमाडौँको गोकर्णेश्वरमा स्कुटर दुर्घटना हुँदा सिन्धुपाल्चोकका एक युवकको मृत्यु भएको छ ।
दुर्घटनामा परि स्कुटर चालक सिन्धुपाल्चोकको स्याउले घर भई गोकर्णेश्वर नगरपालिका ७ दक्षिणढोका बस्ने २१ वर्षीय दिनेश तामाङको मृत्यु भएको हो । तामाङले चलाएको बा प्र ०२–०१४ प २७२६ नम्वरको स्कुटर गएराति काठमाडौँको गोकर्णेश्वर नगरपालिका–८ माकलबारीमा दुर्घटना भएको थियो ।
दुर्घटनामा परि गम्भीर घाईते भएका तामाङको शंखरापुर अस्पताल नारायणटारमा उपचारका क्रममा मृत्यु भएको हो । स्कुटर आँफै अनियन्त्रित भई दुर्घटना भएको प्रहरीले जनाएको छ ।
