रामेछाप । रामेछापको मन्थलीमा ट्याक्टर दुर्घटना हुँदा बेपत्ता भएका चालक मृत फेला परेका छन् ।
मन्थली नगरपालिका वडा नम्बर २ करमबोटका २२ वर्षीय ट्याक्टर चालक सरोज माझीको शव तामाकोशी नदीमा फेला परेको हो । उनको शव घटनास्थलबाट करिब ७५ मिटर तल नदीभित्र भेटिएको रामेछाप प्रहरीले जनाएको छ । आज मध्यान्ह मन्थलीबाट भटौलीतर्फ जाँदै गरेको ज १ त ८३९८ नम्बरको खाली ट्याक्टर मन्थली नगरपालिका ७ स्थित मध्य लोकमार्गको आकाशेबाट सय मिटर तल तामाकोशी नदीमा खस्दा चालक माझी बेपत्ता भएका थिए ।
दुर्घटनामा सहचालक रामेछापकै खाँडादेवी गाउँपालिका ४ रजगाउँका १९ वर्षीय रमेश माझी सामान्य घाइते भएका थिए । घाइतेको मन्थली अस्पतालमा उपचार भइरहेको प्रहरीले जनाएको छ ।
