काठमाडौं । बागलुङको पहिरोमा पुरिएर ८ जनाको मृत्यु भएको छ ।
पहिरोमा पुरिएर बडिगाड गाउँपालिका–९ र १० मा हालसम्म ८ जनाको मृत्यु भएको बागलुङका सहायक प्रमुख जिल्ला अधिकारी चित्रांगत बरालले जानकारी दिनुभयो । वडा नम्बर १० मा ६ जना र ९ मा २ जनाको मृत्यु भएको प्रहरीले जनाएको छ । मृत्यु हुनेमा ७ वर्षीया मालती बुढा, ७ वर्षीया मधु बुढा, सञ्जु विककी ६ महिने नाबालिका छोरी, १३ वर्षीय मनोज बुढा, अन्दाजी १२/१३ वर्षका अमन बुढा र ५९ वर्षीय मैतीदेवी विकको मृत्यु भएको प्रहरीले जनाएको छ । यस्तै संगीता बुढा, सुमित्रा बिक, सीता थापा र मङलसिंह बुढा घाइते भएका छन् । थप दुइजना बेपत्ता रहेको प्रहरीले जनाएको छ ।
