काठमाडौं । भक्तपुरमा मोटरसाइकलको ठक्करबाट पैदल यात्रीको मृत्यु भएको छ ।
मोटरसाइकलको ठक्करबाट भक्तपुर नगरपालिका–६ भोलाछेँ घर भई कटुन्जे बस्दै आएकी ६९ वर्षीया बिमला प्रधानाङ्गको मृत्यु भएको हो । आज दिउँसो सूर्यविनायक नगरपालिका–५ कटुन्जेचोकमा सूर्यविनायकबाट सल्लाघारी जाँदै गरेको बागमती प्रदेश ०२–०२१ प ८१२७ नम्बरको मोटरसाइकलले ठक्कर दिँदा प्रधानाङ्ग गम्भीर घाइते भएकी थिइन् ।
घाइते भएकी उनको उपचारको क्रममा मृत्यु भएको जिल्ला प्रहरी परिसरका डिएसपी ढुण्डिराज न्यौपानेले जानकारी दिनुभयो । मोटरसाइकल चालक रामेछापको सुनापति गाउँपालिका –५ घर भएका दीपक मानन्धरलाई भने प्रहरीले पक्राउ गरेको छ ।
घटनाबारे थप अनुसन्धान भईरहेको प्रहरीले जनाएको छ ।
