सिन्धुली । सिन्धुलीमा मोटरसाइकल दुर्घटनामा परी एक युवकको मृत्यु भएको छ ।
दुर्घटनामा परी सिन्धुलीको गोलञ्जोर गाउँपालिका वडा नम्बर ४ रानीखोलाका २७ वर्षिय अञ्जन रानामगर को मृत्यु भएको हो । सिन्धुलीबाट काठमाडौं तर्फ जाँदै गरेको प्रदेश २ –०२–०३ प ३५७६ नम्बरको मोटरसाइकल कमलामाई नगरपालिका वडा नम्बर २ स्थित ढुंग्रेवासमा दुर्घटना हुदाँ रानामगर गम्भीर घाइते भएका थिए । गम्भीर घाइते उनलाई उपचारका लागि जिल्ला अस्पताल सिन्धुलीमा ल्याउने क्रममा बाटोमै उपचारका क्रममा मृत्यु भएको सिन्धुलीका प्रहरी निरीक्षक बुद्धिमान तामाङले जानकारी दिनुभयो । मृतक रानामगरको शव जिल्ला अस्पताल सिन्धुलीमा राखिएको छ ।
