काभ्रेपलाञ्चोक । काभ्रेपलाञ्चोकको साँगामा गाडीको ठक्करबाट एक वृद्धको मृत्यु भएको छ ।
बनेपा नगरपालिका–१३ साँगामा गाडीले ठक्कर दिँदा तेमाल गाउँपालिका–९ का ७० वर्षीय छेवाङ तामाङको मृत्यु भएको हो । काठमाडौंबाट बनेपा आउँदै गरेको बा ४ ख ४२९४ नम्बरको गाडीले गएराति सडक छेउमा हिँडिरहेका तामाङलाई ठक्कर दिएको थियो । उनको बनेपास्थित शिर मेमोरियल अस्पतालमा उपचारका क्रममा मृत्यु भएको इलाका प्रहरी कार्यालय बनेपाका प्रहरी नायब उपरीक्षक रेशम बोहराले जानकारी दिनुभयो ।
प्रहरीले गाडीका चालकलाई नियन्त्रणमा लिएर घटनाबारे अनुसन्धान गरिरहेको छ ।
