काठमाडौं । आज सुनको मूल्य तोलामा ४ हजार रुपैंयाले घटेको छ ।
हिजो १ लाख ६८ हजार ५ सय रुपैयाँमा कारोबार भएको सुन आज ४ हजार रुपैंयाले घटेर प्रतितोला १ लाख ६४ हजार ५ सय रुपैंयामा कारेबार भएको नेपाल सुनचाँदी महासंघले जनाएको छ । निरन्तर बढिरहेको सुनको मूल्यमा केही दिन यता गिरावट आएको हो । मंगलबार पनि एकै दिन तोलामा २९ सय रुपैंयाले घटेको थियो ।
त्यस्तै, चाँदीको मूल्य पनि तोलमा ५५ रुपैंयाले घटेको छ । हिजो प्रतितोला २०१५ रुपैंयामा कारोबार भएको चाँदी आज १९६० रुपैंयामा कारोबार भइरहेकोे छ ।
