रामेछाप । हत्या आरोपमा फरार रहेका रामेछापका एक युवक भक्तपुरबाट पक्राउ परेका छन् ।
रामेछापको दोरम्बा शैलुङ गाउँपालिका –३ का १९ वर्षीय रुजन श्रेष्ठलाई काठमाडौँ उपत्यका अपराध अनुसन्धान कार्यालयले पक्राउ गरेको हो । उनीमाथि ४१ वर्षीय गणेश पाठकको हत्या आरोप लागेको छ । पाठक गत असार २० गते रामेछापको दोरम्बा शैलुङ गाउँपालिका ३ कै सल्यानभिरमा मृत फेला परेका थिए ।
वरदात पश्चात फरार रहेका उनलाई भक्तपुरको सुर्यविनायक –८ स्थित दार्जलिङ हाईटमा लुकिछिपि बसेको अवस्थामा पक्राउ गरिएको प्रहरीले जनाएको छ । श्रेष्ठलाई आवश्यक कानुनी कारवाहीका लागि जिल्ला प्रहरी कार्यालय रामेछाप पठाईएको छ ।
