रामेछाप । रामेछापमा यात्रुबाहक बस दुर्घटना हुँदा एक जनाको मृत्यु भएको छ भने १६ जना घाइते भएका छन् ।
काठमाडौँबाट सिन्धुलीतर्फ जाँदै गरेको यात्रुवाहक बस आज बेलुकी रामेछापमा दुर्घटना हुँदा एक जनाको मृत्यु भएको हो । दुर्घटनामा परि सुनकोशी गाउँपालिका–६ की युनिषा श्रेष्ठको मृत्यु भएको जिल्ला प्रहरी कार्यालय रामेछापका डीएसपी प्रदीप सिंहले जानकारी दिनुभयो । घाइते मध्ये २ जनाको अवस्था गम्भीर रहेको रामेछाप प्रहरीले जनाएको छ । प्रदेश–३–०१–००५ ख ९५७९ नम्बरको यात्रुवाहक बस खाँडदेवी गाउँपालिका–३ भीरपानीमा दुर्घटना भएको हो । घाइते हुनेहरूको नाम र ठेगना खुलेको छैन ।
