सिन्धुली । सिन्धुलीमा भएको सवारी दुर्घटनामा सर्लाहीका युवकको मृत्यु भएको छ ।
सिन्धुलीको सुनकोशी गाउँपालिका १ बिपि लोकमार्गमा भएको सवारी दुर्घटनामा मोटरसाईकल चालक सर्लाहीको चक्रघट्टा गाउँपालिका ५ का ३५ बर्षिय गणेश रायको मृत्यु भएको हो । दुर्घटनामा सोही स्थानका ३३ वर्षिय धिरेन्द्र ठाकुर गम्भीर घाईते भएका छन् ।
ठाकुरको धुलिखेल अस्पतालमा उपचार भैरहेको र दुर्घटनामा गम्भीर घाईते भएका रायको उपचारका क्रममा मृत्यु भएको सिन्धुलीका प्रहरी निरीक्षण केशव कुमार कटुवालले जानकारी दिनुभयो ।
सिन्धुलीतर्फ आउँदै गरेको प्रदेश २–०२–००१ च ०४८७ नम्बरको पिक अपले काठमाण्डौँ जाँदै गरेको प्रदेश २–०३ ००६ प ३७ ५५ नम्बरको मोटरसाईकललाई ठक्कर दिँदा दुर्घटनामा परेको हो । ठक्कर दिने पिकअप र चालक प्रहरीको नियन्त्रणमा रहेको र थप अनुसन्धान भैरहेको सिन्धुली प्रहरीले जनाएको छ ।
