काठमाडौं । सिन्धुपाल्चोक र काभ्रेपलाञ्चोकसहित ३५ जिल्लामा न्यायाधीश सिफारिस गरिएको छ ।
न्याय परिषद्को आज बसेको बैठकले न्याय सेवाबाट २५ जना, सरकारी वकिलबाट ६ जना र कानुन सेवाबाट ४ जनालाई रिक्त रहेको ३५ जिल्लाको जिल्ला न्यायाधीशमा सिफारिस गरेको हो । सिन्धुपाल्चोक जिल्ला अदालमा शारदादेवी पौडेललाई सिफारिस गरिएको छ । उनी यसअघि सोही अदालतका स्रेस्तेदारका रुपमा कार्यरत थिए ।
यस्तै, काभ्रेपाल्चोक जिल्ला अदालतका न्यायधिश विश्वनाथ भट्टराईलाई भक्तपुर जिल्ला अदालतमा सिफारिस गरिएको छ । उनको स्थानमा रुकुमकोट जिल्ला अदालतबाट प्रेमप्रसाद न्यौपाने आउने भएका छन् ।
