काठमाडौं । काठमाण्डौमा भएको हिंसात्मक प्रदर्शनका मुख्य नाइके दुर्गा प्रसाईं भारतमा पक्राउ परेका छन् ।
भारतको आसाम राज्यमा उनी पक्राउ परेका हुन् । प्रहरी स्रोतका अनुसार, उनलाई काकडभिट्टा नाका हुँदै नेपालल्याइँदै छ।
तर, प्रसाईको सचिवालयले भने प्रहरीले प्रसाईलाइ पक्राउ गरेको नभई सुरक्षाका लागि आफैआसाम प्रहरीको सम्पर्कमा पुगेको दावी गरेको छ । उनको सचिवालयले प्रसाईंले आसाम राज्यको प्रहरीसमक्ष आत्मसमर्पण गरेको उल्लेख गरेको छ ।
‘अहिले २ घण्टा अगाडि हाम्रा अभियानका संयोजक श्री दुर्गा प्रसाईंलेज्यूले आफ्नो सुरक्षाका लागि आफैँभारतको आसाम राज्यको प्रहरीसमक्ष आत्मसमर्पण गर्नु भएको छ’, उनको सचिवालयले बिहीबार रातिफेसबुकमार्फत भनेको छ ।
हिजो आफूहरुले भिडियो मार्फत ज्यानको सुरक्षाको ग्यारेन्टी भए २४ घण्टाभित्र उपस्थित हुने भनेको र आजउपस्थित भएको सचिवालयको भनाइ छ ।
गत चैत १५ गते काठमाण्डौको तीनकुनेमा भएको राजावादी प्रदर्शनमा प्रहरीलाई नै गाडीले पेलेर अघि बढेकाप्रसाईं केहीबेरपछि सम्पर्कविहीन भएका थिए ।
त्यसयता प्रहरीले उनको खोजी गरिरहेको थियो । यसबीचमा प्रसाईंले सामाजिक सञ्जालबाट भिडियो पोस्टगर्दै आफू फरार नरहेको बताउँदै आएका थिए ।
तीनकुनेमा भएको प्रदर्शन भाँडिएपछि प्रदर्शनकारीले लिएको उग्र शैलीका कारण दुई जनाको मृत्यु भएको थियो। निजी तथा सार्वजनिक सम्पत्तिमा तोडफोड र आगजनी भएको थियो ।
