काठमाडौं । काठमाडौंमा गुडिरहेको बसको इन्जिन पड्किँदा दोलखाका एक पुरुष घाइते भएका छन् ।
दोलखा स्थायी घर भई हाल काठमाडौं माकलबारी बस्ने ५४ वर्षीय दावा लामा घाइते भएका हुन् । आज बिहान बौद्ध पीपलबोट सडकखण्डमा प्र ३ ०१ ००५ ख ९८६६ न को बाबा गोकर्णेश्वर बस गुडिरहेको अवस्थामा एक्कासि इन्जिन पड्किएको थियो । घाइते लामाको अर्थपेडिक अस्पताल नारायणटारमा उपचार भइरहेको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।
