काठमाडौँ । पूर्वराजा ज्ञानेन्द्र शाहका नाती हृदयन्द्रले नागरिकताका लागि आवेदन दिएका छन् ।
पूर्वराजा ज्ञानेन्द्रका नाती, पूर्वयुवराज पारस शाहका छोरा रहेका हृदयन्द्र वीर विक्रम शाहले नागरिकता प्रमाणपत्रका लागि जिल्ला प्रशासन कार्यालय काठमाडौँमा निवेदन दिएका हुन् । २०५९ साल साउन १४ गते जन्मिएका हृदयन्द्रले बंशजको आधारमा नागरिकता पाउन निवेदन दिएका छन् । उनले बुबाको नाम पारस वीर विक्रम शाह र आमाको नाम हिमानी राज्यलक्ष्मी देवी शाह उल्लेख गरेका छन् । उनको नागरिकताको प्रमाणपत्रका लागि काठमाडौँ महानगरपालिका –३ ले सिफारिस गरेको छ ।
