काठमाडौं । बाग्लुङमा आज विहान भ्यान दुर्घटना हुँदा ५ जनाको मृत्यु भएको छ ।
बाग्लुङको जैमिनी नगरपालिका–८ स्थित छिस्तीबाट सदरमुकाम बाग्लुङ बजारतर्फ जाँदै गरेको भ्यान दुर्घटना हुँदा सवार ५ जनाको मृत्यु भएको हो । चालक सहित ५ जनाको मृत्यु भएपनि मृतकको पहिचान खुल्न बाँकी रहेको बाग्लुङका प्रहरी निरिक्षक केशव थापाले जानकारी दिनुभयो ।
भ्यानमा ६ जना सवार रहेकोमा एक जनाको भने जिवितै उद्धार गरिएको प्रहरीले जनाएको छ । घटनाको विषयमा थप विवरण आउन बाँकी छ । पछिल्लो केही दिन यता निरन्तर भएको सवारी दुर्घटनामा दर्जनौं मानिसहरुले ज्यान गुमाएका छन् ।
