दोलखा । दोलखा सहित आसपासका जिल्लामा नेपाल टेलिकमको सेवा अवरुद्ध भएको छ ।
जिल्लामा आज दिउँसोदेखि नेपाल टेलिकमको मोबाईल र ल्याण्डलाईन सेवामा समस्या आएको हो । टेलिकमको ल्याण्डलाईन टेलिफोन र ईन्टरनेट तथा मोवाईल सेवा अवरुद्ध भएको छ । मोबाईलमा नेटवर्क नदेखाउने, देखाईहाले सम्पर्क नहुने र सम्पर्क भएपनि कुरा नबुझिने समस्या देखिएको हो ।
काभ्रेपलाञ्चोकको धुलिखेलमा आगलागिका कारण टेलिकमको उपकरणमा क्षति पुगेपछि सेवा अवरुद्ध भएको नेपाल टेलिकम दोलखा शाखाले जनाएको छ । कार्यालयका अनुसार आज काभ्रेपलाञ्चोकको बनेपादेखि पूर्वका जिल्लाहरुमा टेलिकमको सेवा अवरुद्ध भएको हो । दोलखा सहित रामेछाप, सिन्धुली र सिन्धुपाल्चोक जिल्लाभर तथा काभ्रेपलाञ्चोकको बनेपा यताको क्षेत्रमा नेपाल टेलिकमको सेवामा समस्या आएको छ ।
दिनभर समस्या देखिएपनि अहिले मर्मतको काम भईरहेको र केही बेरमा सेवा सूचारु हुने नेपाल देखिकम दोलखा शाखाले जनाएको छ । आज दिउँसो करिव ३ बजेबाट मोबाईल सेवा अवरुद्ध हुनुका साथै ल्याण्डलाईन टेलिफोन र ईन्टरनेट सेवामा समेत समस्या देखिएपछि सेवाग्राही प्रभावित भएका छन् ।
