सिन्धुली । आफ्नै बुबालाई बन्चरो प्रहार गरि हत्या गरेको अभियोगमा सिन्धुलीका एक युवक पक्राउ परेका छन् ।
हरिहरपुरगढी गाउँपालिका–७ पन्थचौरी लामपातका २१ वर्षीय अमृत घिमिरे विकलाई प्रहरीले पक्राउ गरेको हो । उनलाई आफ्नै बुवाको हत्या गरेको अभियोगमा सिन्धुली प्रहरीले नियन्त्रणमा लिएको हो । सिन्धुली प्रहरीका अनुसार ६० वर्षीय लाल बहादुर घिमिरे विक सुतेको अवस्थामा बन्चरो प्रहार गर्दा उनको घटनास्थलमै मृत्यु भएको थियो । खबर प्राप्त हुनासाथ प्रहरी चौकी क्यानेश्वर र इलाका प्रहरी कार्यालय कपिलाकोटबाट खटिएको प्रहरीले अमृतलाई बन्चरोसहित पक्राउ गरेको हो ।
घटनाबारे थप अनुसन्धान भईरहेको सिन्धुली प्रहरीले जनाएको छ ।
