सिन्धुपाल्चोक । सिन्धुपाल्चोकस्थित भोटेकोशी नदीमा बोलेरो दुर्घटना हुँदा बेपत्ता भएकी एक महिलाको शव फेला परेको छ ।
आज घटनास्थलबाट करिब १५ किलोमिटर दक्षिण त्रिपुरासुन्दरी गाउँपालिका –६ ड्यामसाईडस्थित सुनकोशी नदीको किनारमा सुन्तली तामाङको शव फेला परेको हो । उनका ससुरा धनबहादुर तामाङले आफ्नो बुहारी हो भनी पहिचान गरेर शव सनाखत भएको जिल्ला प्रहरी कार्यालय सिन्धुपाल्चोकका प्रवक्ता, डीएसपी निरञ्जन भट्टराईले जानकारी दिनुभयो ।
गाडी चालक भोटेकोशी गाउँपालिका–५ बस्ने अन्दाजी ३८ वर्षीय सानु शेर्पा भने अझै फेला पर्न सकेका छैनन् ।
