भक्तपुर । नेपाली बजारमा सुनको मुल्य फेरि प्रतितोला ३ लाख रुपैयाँ नाघेको छ ।
नेपाल सुनचाँदी व्यवसायी महासंघका अनुसार बुधबार सुन प्रतितोला २ हजार ९ सय रुपैयाँ बढेको हो । योसँगै सुन प्रतितोला ३ लाख २ हजार ७ सय रुपैयाँ कायम भएको छ । मंगलबार २ लाख ९९ हजार ८ सय रुपैयाँमा सुनको कारोबार भएको थियो ।
आज चाँदी पनि बढेको छ । अघिल्लो दिनको तुलनामा चाँदी प्रतितोला १५५ रुपैयाँ बढेको हो । हिजो प्रतितोला ५ हजार ६५ रुपैयाँमा कारोबार भएको चाँदी आज ५ हजार २२० रुपैयाँमा पुगेको छ ।
