जिरी (दोलखा) । दोलखाको तामाकोशी गाउँपालिका वडा नम्बर २ झुलेमा स्वतन्त्र उम्मेदवार इश्वरराज कार्की वडाध्यक्षमा निर्वाचित भएका छन् ।
नेपाली कांग्रेसबाट वागी उम्मेदवारी दिएका कार्कीले वडाध्यक्षमा जित हात पारेको हो । वागी उम्मेदवारी दिएकै कारण केही दिन अघि मात्रै कांग्रेसले उनलाई कारवाही गर्दै पार्टीबाट निष्काशन गरेको थियो । उनी कांग्रेसका पुराना नेता भएपनि टिकट नपाएपछि स्वतन्त्र लडेका थिए । कैची निर्वाचन चिन्ह लिएर वडाध्यक्षमा लडेका कार्कीले जित हात पारेरै छाडेका छन् ।
