हेटौँडा । बागमती प्रदेश सरकारले आगामी आर्थिक वर्ष ६४ अर्ब ५४ करोड बढीको बजेट ल्याएको छ ।
प्रदेशसभामा आर्थिक मामिला तथा योजनामन्त्री जगनाथ थपलियाले आज आगामी आर्थिक वर्ष २०८१/८२ का लागि ६४ अर्ब ५४ करोड ४ लाख रुपैयाँ बराबरको बजेट प्रस्तुत गर्नुभएको हो । जसअनुसार चालुतर्फ २६ अर्ब १० करोड १६ लाख, पूँजीगततर्फ ३६ अर्ब ९३ करोड ८७ लाख, वित्तीय व्यवस्थापनतर्फ १ अर्ब ५० करोड रुपैयाँ विनियोजन गरिएको छ । बागमती प्रदेशले चालु आर्थिक वर्षको भन्दा करिब २ अर्ब रुपैयाँ बढीको बजेट ल्याएको हो । बागमतीमा चालु आर्थिक वर्षको बजेट ६२ अर्ब ७१ अर्ब थियो ।
बागमती प्रदेश सरकारले आगामी आर्थिक वर्ष स्थानीय तहलाई ८ अर्ब ३७ करोड वित्तिय हस्तान्तरण गर्ने भएको छ । जसअनुसार प्रदेश सरकारले समानीकरण अनुदान तर्फ १ अर्ब ६६ करोड, सशर्त तर्फ ३ अर्ब ४३ करोड, समपुरक तर्फ २ अर्ब ४८ करोड, विशेष अनुदानतर्फ ७९ करोड ३८ लाख विनियोजन गर्ने प्रस्ताव गरिएको छ । प्रदेश सरकारले सवारी करको बाँडफाँटबाट ११९ स्थानीय तहबाट ५ अर्ब उपलब्ध हुने अनुमान गरेको छ ।
कुन मन्त्रालयलाई कति बजेट ?
भौतिक पूर्वाधार विकास मन्त्रालय २२ अर्ब ६४ करोड
कृषि तथा पशुपन्छी विकास मन्त्रालय २ अर्ब ६२ करोड
संस्कृति पर्यटन तथा सहकारी मन्त्रालय २ अर्ब ४६ करोड
उद्योग वाणिज्य भूमि तथा प्रशासन मन्त्रालय ७२ करोड
वन तथा वातावरण मन्त्रालय ३ अर्ब २१ करोड
श्रम रोजगार तथा यातायात मन्त्रालय ९३ करोड
स्वास्थ्य मन्त्रालय ४ अर्ब ८ करोड
सामाजिक विकास मन्त्रालय ३ अर्ब ९१ करोड
युवा तथा खेलकुद मन्त्रालय ७४ करोड
खानेपानी ऊर्जा तथा सिँचाई मन्त्रालय ६ अर्ब ९३ करोड
आन्तरिक मामिला तथा कानुन मन्त्रालय ४४ करोड
मुख्यमन्त्री तथा मन्त्रिपरिषद् कार्यालय ५० करोड ६४ लाख
