काभ्रेपाल्चोक । काभ्रेपाल्चोकको पनौतिमा मोटसाइकल दुर्घटना हुदाँ एक जनाको मृत्यु भएको छ ।
आज बिहान पनौती नगरपालिका– ५ पुन्यमाता खोला भन्ने स्थानमा मोटरसाइकल दुर्घटनामा हुदाँ काभ्रेकै एक युवकको मृत्यु भएको हो । दुर्घटनामा परि नमोबुद्ध नगरपालिका – १ का २४ वर्षीय दिपेन्द्र खड्काको मृत्यु भएको काभ्रेपाल्चोक प्रहरीले जनाएको छ । बनेपाबाट पनौतीतर्फ जाँदै गरेको प्र ३ ०२ ००७ प ५४११ नम्बरको मोटरसाइक दुर्घटनामा परेको थियो । सडकबाट करिब ६ मिटर तल खसेको अवस्थामा मोटरसाइकलसँगै युवकको शव फेला परेको प्रहरीले जनाएको छ ।
