काठमाडौँ । नवनियुक्त प्रधानमन्त्री केपी शर्मा ओलीले पदभार ग्रहण गर्नुभएको छ ।
प्रधानमन्त्री ओलीले आज पद तथा गोपनियताको शपथ ग्रहणसँगै सिंहदरबार पुगेर प्रधानमन्त्री तथा मन्त्रिपरिषद् कार्यालयको पदभार ग्रहण गर्नुभएको हो । त्यसअघि उहाँले लैनचौरस्थित शहीद स्मारकमा रहेका शहीदहरुको शालिकमा माल्यार्पण गर्नुभएको थियो ।
हिजो साँझ प्रधानमन्त्रीमा नियुक्त एमाले अध्यक्ष ओलीले आज शपथ ग्रहण लगत्तै २२ सदस्यीय मन्त्रीपरिषद विस्तार गर्नुभएको छ । सबै मन्त्रीहरुले आज नै राष्ट्रपति रामचन्द्र पौडेलबाट पद तथा गोपनियताको शपथ ग्रहण गरेका छन् ।
