सिन्धुली । सिन्धुलीमा बोलेरो दुर्घटना हुँदा दुई जनाको मृत्यु भएको छ भने ११ जना घाइते भएका छन् ।
कमलामाई नगरपालिका–४ मा बा ख २० च ८२८३ नम्बरको बोलेरो दुर्घटना हुँदा दुई जनाको मृत्यु भएको हो । मृतकको पहिचान खुल्न बाँकी रहेको जिल्ला प्रहरी कार्यालय सिन्धुलीका प्रमुख एसपी कोविन्द काफ्लेले जानकारी दिनुभयो ।
उहाँका अनुसार अहिले घाइतेहरुको उद्धार गरी उपचारका लागि सिन्धुली अस्पताल पठाउने काम भइरहेको छ । दुर्घटना पछि वीपी राजमार्गमा यातयात अवरुद्ध ठप्प भएको छ ।
