दोलखा । दोलखाको झ्याकुमा बोलेरो दुर्घट्ना हुँदा ६ जना घाईते भएका छन् ।
घाईतेमध्य दुई जनाको अवस्था गम्भिर रहेको छ । दुर्घट्नामा परि गौरीश्ंकर गाउँपालिका–३ झ्याकुका पसि शेर्पा र काली शेर्पा गम्भीर घाईते भएको वडा नम्वर ४ का वडाअध्यक्ष शिवहरी खत्रीले जानकारी दिनुभयो । उहाँका अनुसार सिंगटीबाट झ्याकु जाँदै गरेको बा २० च ७२६६ नम्वरको बोलेरो आज साँझ करिव ५ बजे वडा नम्वर ४ को वडा कार्यालय नजिकै दुर्घटना भएको हो ।
घट्नास्थलमै रहेका वडाअध्यक्ष खत्रीले बोलेरोमा ७ जना सवार रहेकोमा एक जना सकुशल रहेको र अरु ६ जना घाईते भएको बताउनुभयो । उहाँका अनुसार घाईतेहरुलाई घटनास्थलबाट उद्धार गरि उपचारका लागि सिंगटीतर्फ पठाईएको छ ।
तर, दोलखा प्रहरीले भने दुर्घटनाको जानकारी आएपनि थप विवरण प्राप्त भईनसकेको बताएको छ ।
