सिन्धुली । सिन्धुलीमा पहिरोमा पुरिएर एक पुरुषको मृत्यु भएको छ ।
जिल्लाको फिक्कल गाउँपालिकामा पहिरोमा पुरिएर स्थानीय ३५ वर्षीय टेकबहादुर परियारको मृत्यु भएको हो । आज दिउँसो बारीको ढुंगा निकाल्ने क्रममा माथिबाट खसेको पहिरोमा परी उनी घाइते भएका थिए । घाइते उनलाई तीनपाटन गाउँपालिका बाहुनतिल्पुङ स्वास्थ्य चौकीमा लगिएपनि चिकित्सकले मृत घोषणा गरेको सिन्धुली प्रहरीले जनाएको छ । प्रहरीका अनुसार घटनाको विषयमा थप अनुसन्धान भइरहेको छ ।
