हाम्रो अपडेट 
भक्तपुर । हावाहुरीका कारण उदयपुरको कटारीमा २ जनाको मृत्यु भएको छ भने ५ जना घाइते भएका छन्।
सोमबार वेलुकीको हावाहुरीवाट उदयपुरको कटारी नगरपालिका–८ थलीयाटारकी मिनामाया तामाङ र कटारी नगरपालिका–५ निवासी ६४ वर्षीय वीरेन्द्र चौधरीको मृत्यु भएको हो ।
इलाका प्रहरी कार्यालय कटारीका अनुसार कटारी–५ स्थित राधा कृष्ण मन्दिर नजिक रहेको खाजा घरमा हावाहुन्डरीका कारण रुख ढलेर चौधरीको मृत्यु भएको हो । सोही घटनामा रुखले किचेर ५ जना घाइते भएका थिए।
घटनामा घाइते भएकी ४ वर्षीया बालिका विनिशा चौधरीलाई उद्धार गरिएको छ ।
यस्तै, कटारी-८ की मिनामाया तामाङको कटारी अस्पतालमा उपचारको क्रममा मृत्यु भएको छ ।घरमा खसिबाख्रा सार्ने क्रममा रुखका हाँगा भाँचिएर लाग्दा उनी घाइते भएकी थिइन् । अस्पतालमा उपचारको क्रममा उनको मृत्यु भएको प्रहरीले जनाएको छ।
टाउकोमा चोट लागेका कटारी-५ बलाहा का ४६ वर्षीय लीलाबहादुर दनुवारलाई थप उपचारका लागि विराटनगर लगिएको छ । बाँकी घाइतेको घाइतेहरूको कटारी प्रादेशिक अस्पतालमा उपचार भइरहेको छ |
