सिन्धुलीबाट भरुवा बन्दुकसहित दुई जना पक्राउ परेका छन् ।
जिल्लाको कमलामाई नगरपालिका वडा नम्बर १२ लुडेडाँडाबाट स्थानीय ४५ वर्षीय पुर्णबहादुर राना र ५० वर्षीय लालबहादुर ब्लोनलाई प्रहरीले पक्राउ गरेको हो । जिल्ला प्रहरी कार्यालय सिन्धुलीबाट खटिएको प्रहरीले पुर्णबहादुरको घरबाट एक थान खाली भरुवा बन्दुक र लालबहादुरको घरबाट एक थान लोड गरेको भरुवा बन्दुक लुकाई छिपाई राखेको अवस्थामा फेला पारेको हो । पक्राउ परेकाहरुमाथि थप अनुसन्धान भइरहेको प्रहरीले जनाएको छ ।
