सिन्धुपाल्चोक । सिन्धुपाल्चोकस्थित भोटेकोशी नदीमा खसेको बोलेरो चालकको शव भेटिएको छ ।
बोलेरो चालक भोटेकोशी गाउँपालिका–५ का सानु तामाङको शव सशस्त्र प्रहरी टोलीले हिजो सिन्धुलीको फिक्कल गाउँपालिका–६ स्थित सुनकोशी नदीबाट निकालेको हो । सिन्धुपाल्चोकको बाह्रबिसे नगरपालिका–६ ढुंगाखानीस्थित सडकबाट बोलेरो भोेटेकोशी नदीमा खसेको थियो । सोही क्रममा दुई जना बेपत्ता भएका थिए । तीमध्ये त्रिपुरासुन्दरी गाउँपालिका–६ ड्यामसाईडस्थित सुनकोशी नदीको किनारमा सुन्तली तामाङको यसअघि शनिबार शव फेला परेको थियो ।
बोलेरो चालक तामाङको भने हिजो शव भेटेर आफन्तले सनाखत गरेको र उनको शव पोष्टमार्टमका लागि धुलिखेल अस्पतालमा राखिएको सिन्धुपाल्चोक प्रहरीले जनाएको छ ।
