काठमाडौं । नेपालमा आज एकैदिन १० हजार बढी कोरोना संक्रमित थपिए छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टाको अवधिमा १० हजार २ सय ५८ जनामा कोरोना संक्रमण पुष्टि भएको हो । देशभर २२ हजार ८ सय २८ जनाको कोरोना परिक्षण गर्दा १० हजार बढीको रिर्पोट पोजेटिभ आएको छ । १७ हजार ८ सय ७२ जनाको पिसिआर परिक्षण गर्दा ८ हजार ७ सय ३० जना र १० हजार २ सय ५८ जनाको एन्टिजेन परिक्षण गर्दा १५ सय २८ जनाको रिर्पोट पोजेटिभ आएको स्वास्थ्य मन्त्रालयले जनाएको छ ।
नेपालमा कोरोना संक्रमण भित्रिएयता एकैदिनमा पुष्टि भएको यो सबैभन्दा बढी संख्या हो । काठमाडौं उपत्यकामा मात्रै आज ४ हजार ४ जना कोरोना संक्रमित थपिएका छन् । आज थपिएका सहित नेपालमा सक्रिय कोरोना संक्रमितको संख्या ३९ हजार ४४ पुगेको छ । पछिल्लो २४ घण्टामा ५ सय ६२ जना संक्रमणमुक्त भएका छन् भने संक्रमणबाट एक जनाको मृत्यु भएको छ ।
