रामेछाप । रामेछापको उमाकुण्ड गाउँपालिकाको अध्यक्ष पदमा नेकपा एमालेका शेरबहादुर सुनुवार विजयी भएका छन् ।
सुनुवार ३ हजार ७ सय २८ मत प्राप्त गर्दै पालिका अध्यक्षमा पुनः निर्वाचित भएका हुन् । सुनुवारले यसअघि गत निर्वाचनमा पालिका अध्यक्ष भएर एक कार्यकाल काम गरिसकेका छन् । उनका प्रतिस्पर्धी नेपाली कांग्रेसका जितबहादुर कटुवालले भने २ हजार १ सय ७२ मत प्राप्त गरेका छन् ।
यसैगरी, उपाध्यक्ष पदमा नेपाली कांग्रेसकी सावित्री सुनुवारले २ हजार ९ सय २२ मत प्राप्त गरी विजयी भएकी छिन् । उनका निकटतम प्रतिस्पर्धी नेकपा एमालेकी गङ्गा कार्कीले २ हजार ८ सय ३४ मत पाएकी छिन् ।
