काभ्रेपलाञ्चोक । अध्ययनका सिलसिलामा नौ महिनाअघि अस्ट्रेलिया गएका काभ्रेपलाञ्चोकका एक पुरुष मृत फेला परेका छन् ।
पाँचखाल नगरपालिका–७ का २७ वर्षीय सुभाष बोलखेको शव समुद्रकको तटमा फेला परेको हो । २१ दिनदेखि परिवारबाट सम्पर्कविहीन रहेका उनी मृत भेटिएको पाँचखाल नगरपालिकाका प्रवक्ता सञ्जय तामाङले जानकारी दिनुभयो । उनको शवलाई आज बाटै नेपाल ल्याउन आवश्यक प्रक्रिया अघि बढाइने प्रवक्ता तामाङले बताउनु भयो । यद्धपि सुभाषको मृत्युको कारणबारे हालसम्म केही खुलेको छैन । उच्च शिक्षा अध्ययनका लागि अस्ट्रेलिया गएका सुभाष सम्पर्कविहिन भएपछि परिवारले स्थानीय सरकार र दूतावासलाई खोजी गरिदिन आग्रह गरेका थिए ।
अध्ययनका लागि अस्ट्रेलिया गएका उनी परिवारका कान्छा छोरा हुन् ।
