सिन्धुपाल्चोक । सिन्धुपाल्चोकका दुई सहित देशका विभिन्न स्थानमा ८ जना मृत फेला परेका छन् ।
सिनधुपाल्चोकको इन्द्रावती गाउँपालिका र त्रिपुरा सुन्दरी गाउँपालिकामा एक / एक जना मृत फेला पर्नुको साथै देशका अन्य स्थानमा ६ जना मृत भेटिएको प्रहरीले जनाएको छ । जसअनुसार सिन्धुपाल्चोकको इन्द्रवती गाउँपालिका–१२ सिपाघाटस्थित इन्द्रावती खोलामा मेलम्ची नगरपालिका–८ किउरेनीका ५० वर्षीय काँइला तामाङ मृत फेला परेका हुन् ।
यसैगरी, सिन्धुपाल्चोककै त्रिपुरासुन्दरी गाउँपालिका–३ दावीस्थित भोटेकोशी नदीको किनारमा पालिकाको वडा नम्बर ३ स्थित जात्राथलीका ५५ वर्षीय मान बहादुर बस्नेत मृत फेला परेको प्रहरीले जनाएको छ । काँइला शुक्रबार र मान बहादुर हिजो शनिबार मृत भेटिएका हुन् ।
यो दुई दिनको अवधिमा उनीहरु सहित देशका अन्य स्थानमा पनि ८ जना मृत फेला परेका छन् ।
