काठमाडौं । नेपालमा पोलियोमुक्त घोषणा भएको लामो समयपछि फेरी पोलियो भाइरस भेटिएको छ ।
नेपाल पोलियोमुक्त घोषणा भएको १० वर्षपछि काठमााडौंको टुकुचा र बागमती नदीको संगम क्षेत्रबाट संकलित ढलको नमुना परिक्षण गर्दा पोलियोको भाइरस भेटिएको हो । नमुना परिक्षण गर्ने क्रममा पोलियो भाइरस पुष्टि भएको स्वास्थ्य सेवा विभागको बाल स्वास्थ्य तथा खोप शाखा प्रमुख डा. अभियान गौतमले जानकारी दिनुभयो ।
नेपालमा १३ वर्ष यता पोलियो भाइरस पुष्टि भएको थिएन । विश्व स्वास्थ्य सङ्गठनले १० वर्षअघि नै नेपाललाई पोलियो उन्मुलन घोषणा गरिसकेको छ ।
