जिरी (दोलखा) । पछिल्लो पटक दोलखाको जिरी सहित ९ स्थानमा भारी वर्षा भइरहेको छ ।
आज साँझदेखि दोलखाको जिरी सहित मकवानपुरगढी, भक्तपुरको नगरकोट, चितवनको देवाघाट, पूर्वी नवलपरासीको डण्डा, दैलेख, कास्की, म्याग्दी र प्यूठान लगायतका जिल्लामा भारी वर्षा भएको हो । राती सबैजसो प्रदेशमा हल्कादेखी मध्यम वर्षाको सम्भावना रहेको मौसम पूर्वानुमान महाशाखाका मौसमविद शान्ति कँडेलले जानकारी दिनुभयो । आज राती लुम्बीनी र सुदुरपश्चिम प्रदेशका केही स्थानमा मुसलाधारे वर्षा हुने महाशाखाले जनाएको छ ।
