images
images

स्वास्थ्य बीमा कार्यक्रममा जनमुखीले सहयोग गर्ने, बीमित रकमको १५ प्रतिशत सेयर सदस्यले पाउने

दोलखा । दोलखाको बैतेश्वर गाउँपालिका ५ मैनापोखरी स्थित जनमुखी बचत तथा ऋण सहकारी संस्था लिमिटेडले चालु वर्षदेखि संस्थामा आबद्ध शेयर सदस्यहरुले स्वास्थ्य बीमा गर्दा १५ प्रतिशत सहयोग दिने भएको छ ।

सरकारले लागु गरेको स्वास्थ्य बीमा कार्यक्रममा सेयर सदस्यहरुलाई सहभागी गराउनका लागि जनमुखी साकोसले सहयोग गर्ने भएको हो । संस्थाका अध्यक्ष माधवप्रसाद दाहालले संचालक समितिको बैठकवाट अनुमोदन गरी आन्तरिक नीति बनाएर कार्यक्रम लागु गर्ने जानकारी दिनुभयो । जनमुखी साकोसको गत असोजमा सम्पन्न २६ औँ साधारण सभाले संस्थामा आबद्ध शेयर सदस्यहरुको स्वास्थ्य बीमा गर्दा प्रति परिवार भुक्तानी हुने बीमाको १५ प्रतिशत हुन आउने रकम संस्थाले उपलब्ध गराउने निर्णय गरेको थियो ।

साधारण सभाले सेयर सदस्यलाई स्वास्थ्य बीमा गर्दा सहयोग गर्ने प्रस्ताव पारित गरे पनि कार्यान्वयन भने हुन बाँकी रहेको छ । अव बस्ने संचालक समिति बैठकले साधारण सभाको निर्णय अनुसार कार्यक्रम बनाउने र नीति बनेपछि लागु गरिने संस्थाका व्यवस्थापक भेषवहादुर मिजारले बताउनुभयो । उहाँका अनुसार जनमुखीका सेयर सदस्यले स्वास्थ्य बीमा गर्दा प्रति परिवार भुक्तानी हुने बिमित रकमको १५ प्रतिशत अर्थात ५ सय २५ रुपैयाँ सहयोग पाउने छन् । सो रकम पाउन सेयर सदस्यले बीमा गरेको कागजात संस्थामा बुझाउनु पर्नेछ । जनमुखीले सामाजिक उत्तरदायित्व शिर्षक अन्तर्गतको रकमबाट स्वास्थ्य बीमा गर्ने सदस्यहरुलाई सहयोग गर्ने संस्थाका लेखापाल नकुल घिमिरेले जानकारी दिनुभयो । यो कार्यक्रमवाट चालु वर्ष ५ सय सेयर सदस्य लाभान्वित हुने अनुमान गरिएको जनमुखी साकोसले जनाएको छ । संस्थामा २० हजार सक्रिय सदस्य रहेका छन् । सरकारले स्वास्थ्य बीमा कार्यक्रम लागु गरेपनि ग्रामिण क्षेत्रका अधिकाँश नागरिकले स्वास्थ्य बीमा गराएका छैनन् ।

जनमुखी बचत तथा ऋण सहकारी संस्था लिमिटेडले चालु वर्षदेखि संस्थामा आबद्ध शेयर सदस्यहरुले स्वास्थ्य बीमा गर्दा १५ प्रतिशत सहयोग दिने भएको छ । साधारण सभाले सेयर सदस्यलाई स्वास्थ्य बीमा गर्दा सहयोग गर्ने प्रस्ताव पारित गरे पनि कार्यान्वयन भने हुन बाँकी रहेको छ । जनमुखीले १५ प्रतिशत सहयोगको योजना ल्याएपछि संस्थाको कार्य क्षेत्रमा स्वास्थ्य बीमा गर्नेहरुको संख्या बृद्धि हुने अनुमान गरिएको छ । सरकारले स्वास्थ्य बीमा गर्दा कार्यक्रमको स्थायित्वका लागि वार्षिक ३ हजार ५ सय शुल्क लिँदै आएको छ । सो वापत वार्षिक १ लाख रुपैयाँसम्मको स्वास्थ्य सेवा निशुल्क पाईन्छ ।

जनमुखीले १५ प्रतिशत सहयोगको योजना ल्याएपछि संस्थाको कार्य क्षेत्रमा स्वास्थ्य बीमा गर्नेहरुको संख्या बृद्धि हुने अनुमान गरिएको छ । सरकारले स्वास्थ्य बीमा गर्दा कार्यक्रमको स्थायित्वका लागि वार्षिक ३ हजार ५ सय शुल्क लिँदै आएको छ । सो वापत वार्षिक १ लाख रुपैयाँसम्मको स्वास्थ्य सेवा निशुल्क पाईन्छ । ५ जनाभन्दा बढी सदस्य रहेको हकमा ३५ सयका अलावा प्रति सदस्य थप ७ सय योगदान रकम बुझाउनु पर्नेछ । यी नियमित सेवा बाहेक नेपाल सरकारले कडा रोग भनि तोकिएका रोग बिमितलाई लागेमा थप १ लाख सम्मको उपचार सुबिधा पाउने छन् । तर, थप १ लाख नियमित पाउने सुबिधा सकिएमा मात्र पाईनेछ ।

थप १ लाख सम्मको उपचार सुबिधा पाउने रोगहरु क्यान्सर, मुटुरोग, मृगौला रोग, हेड ईन्जुरी, सिकलसेल, एनिमिया, पार्किन्सोनिजम र अल्जाईमर रहेका छन् । स्वास्थ्य बीमा गर्ने जो कोहीले तोकिएको कुनै पनि सेवा प्रदायक अस्पतालबाट बहिरंग अर्थात् ओपीडि सेवा, आकस्मिक, अन्तरंग सेवा पाउने छन् । अस्पताल भर्ना भएर लिनुपर्ने सेवामा क्याबिनको सुबिधा उपलब्ध हुने छैन । यस्तै, एक्सरे, ईसिजी, अल्ट्रासाउण्ड, एमआरआई, सिटी स्क्यान, रगतको जाँच, साना ठूला शल्यक्रियाहरु र तोकेको मूल्यमा चश्मा, श्रवणयन्त्र, सेतो छडी, बैशाखी लगायतका सेवाहरु प्राप्त गर्न सक्नेछन् । त्यस्तै, स्वास्थ्य बीमा बोर्डले तोकेको सूचीकृत औषधी निशुल्क प्राप्त गर्न सक्नेछन् तर गम्भीर चोटपटकका लागि गरिने उपचार, ओठ, तालु काटिएकोमा गरिने सर्जरी बाहेकको प्लाष्टिक तथा कस्मेटिक सर्जरी आदि भने निशुल्क हुने छैन ।

बीमित परिवारले सेवा प्रदायक वा अस्पतालबाट निरन्तर सेवा लिनका लागि हरेक वर्ष बीमा नवीकरण गर्नुपर्दछ । आफ्नो वडामा रहेका दर्ता सहयोगी मार्फत् बीमा नविकरण गर्न सकिनेछ र हाल स्वास्थ्य बीमा बोर्डले स्वास्थ्य बीमा नविकरण डिजिटल वालेटहरु मार्फत् पनि गर्न सकिने व्यवस्था गरेको छ ।