काठमाडौं । काठमाडौंको एक डान्सबारमा लुटपाट भएपछि काभ्रेपाञ्चोकका तीन युवक पक्राउ परेका छन् ।
डान्सबार सञ्चालककै योजनामा ग्राहकमाथि लुटपाट भएको आरोपमा काभ्रेपलाञ्चोक पाँचखालका ३२ वर्षीय शरद तामाङ, नमोबुद्ध नगरपालिकाका २१ वर्षीय कृष्ण तामाङ र २६ वर्षिय अजय तामाङ पक्राउ परेका हुन् । उनीहरुलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो ।
शरद माछापोखरीमा रहको फ्लोरिक डान्सबारका सञ्चालक हुन् । उनकै योजनामा डान्सबरमा आएका ग्राहकमाथि लुटपाट भएको अपराध अनुसन्धान कार्यालयका एसपी तथा प्रवक्ता काजीकुमार आर्चार्यले जानकारी दिनुभयो । ग्राहकहरुसँग अनुचित रकम लिने, नदिए कुटपिट र लुटपाटसम्म गर्ने गरेको भन्दै असोज ४ गते प्रहरीमा निवेदन परेको थियो ।
त्यसपछि पक्राउ परेका उनीहरुलाई कारबाहीका लागी जिल्ला प्रहरी परिसर भद्रकाली पठाइएकोे छ ।
