काठमाडौं । काठमाडौंमा अपहरणमा परेकी महिलाको उद्धार गरिएको छ ।
उपत्यका अपराध अनुसन्धान कार्यालको टोलीले चाल्नाखेलमा बन्धक बनाएर राखेकी महिलाको उद्धार गरेको हो । बन्धक बनाउने काममा संलग्न एक युवतीलाई प्रहरीले नियन्त्रणमा लिएको छ ।
विदेश जाने सिलसिलामा १६ लाख लिएको विषयमा विवाद हुँदा आरोपीहरूले महिलालाई बन्धक बनाएका हुन् । उपत्यका अपराध अनुसन्धान कार्यालयका एसएसपी सानुराम भट्टराईका अनुसार, लेनदेनको विषय जोडिएपछि दुवैलाई ल्याएर सोधपुछ गरिनेछ । पीडित महिला गर्भवती समेत रहेकी छन् ।
अपहरणमा संलग्न एक जना फरार छन् । घटनाबारे अनुसन्धान भैरहेको उपत्यका अपराध अनुसन्धान कार्यालयका एसपी काजी कुमार आचार्यले जानकारी दिनुभयो ।
