काठमाडौँ । घरेलु टोली नेपाल श्रीलंकलाई ६–० गोल अन्तरले पराजित गर्दै साफ महिला च्याम्पियनसिपको सेमिफाईनल प्रवेश गरेको छ ।
काठमाडौँस्थित दशरथ रंगशालामा भएको खेलमा नेपालले श्रीलंकामाथि शानदार जित निकालेको हो । यो जितसँगै नेपाल समुह विजेता बनेको छ । प्रतियोगिता अर्तगत आजै भएको अर्काे खेलमा भुटानले माल्दिभ्सलाई १३–० को फराकिलो अन्तरले पराजित गरेको थियो ।
जितसँगै भुटान पनि प्रतियोगिताको सेमफिाईनल प्रवेश गरिसकेको छ । अघिल्लो खेलमा भुटानको गोल अन्तर फराकिलो रहेकाले नेपाललाई श्रीलंकाविरुद्धको खेलमा कम्तिमा ६–० को जित आवश्यक रहेको थियो ।
योसँगै नेपालले अब सेमिफाइनलमा भारतसँग प्रतिस्पर्धा गर्नेछ । सेमिफाईनलमा नेपाल र भारत तथा साविक विजेता बंगलादेश र भुटानबीच प्रतिस्पर्धा हुनेछ । अघिल्लो संस्करण पनि यीनै चार टोली सेमिफाइनलमा पुगको थिए ।
