दोलखा । दोलखाको तामाकोशी गाउँपालिकामा श्रीमान र श्रीमतीबीचको झगडामा छिमेकी घाईते भएका छन् ।
तामाकोशी गाउँपालिका–७ हाँवाका ३८ वर्षीय लाक्पा गेली शेर्पा र उनकी ३९ वर्षीया श्रीमती जाङमु शेर्पाबीच झै–झगडा हुँदा छुट्याउन गएका स्थानीय ६६ वर्षीय छिमेकी सान्ते शेर्पा घाईते भएका हुन् । हिजो श्रीमान–श्रीमतीबीच झगडा भैरहेका बेला लाक्पाले खुकुरी झटारो हान्दा छिमेकी घाईते भएको जिल्ला प्रहारी कार्यालय दोलखाका प्रहरी निरीक्षक, सूचना अधिकारी दासाराम अधिकारीले जानकारी दिनुभयो ।
घाईते सान्ते शेर्पाको दाहिने खुट्टामा गहिरो चोट लागेको र अवस्था मध्यम रहेको दोलखा प्रहरीले जनाएको छ । घाईते शेर्पालाई थप उपचारका लागि काठमाडौँ पठाइएको छ ।
