सिन्धुली । नेपाली कांग्रेस सिन्धुली जिल्ला सभापतिका लागि ५ जनाको उम्मेदवारी दर्ता भएको छ ।
सभापतिका लागि वर्तमान सभापति उज्वल बराल, महासमिति सदस्य प्रेमचन्द्र दाहाल, पुर्वसचिव उपेन्द्र पोखरेल, महासमिति सदस्य विश्वनाथ कोइराला र उपसभापति खड्गबहादुर वाइवाले मनोनयन दर्ता गरेका हुन् । बराल शेखर कोइराला प्यानलबाट र दाहाल संस्थापनबाट उम्मेद्धवार भइ मनोनयन दर्ता गरेका हुन् । अन्य तीन जना पनि संस्थापन इतर पक्षको भएपनि स्वतन्त्र भइ प्रतिस्पर्धामा छन् । १४ औँ महाधिवेशन अन्तर्गत जिल्ला अधिवेशन हुन बाँकी रहेका १६ जिल्लामध्ये भोलि सिन्धुली सहित ६ जिल्लामा अधिवेशन हुँदैछ । बाँकी १० जिल्लाको अधिवशेन भने फागुन २० गते हुनेछ ।
