रामेछाप । रामेछापको फर्पुमा पहिरोमा परी बेपत्ता भएका तीन बालिका मृत्त फेला परेका छन् ।
गोकुलगंगा गाउँपालिका–६ फर्पुका बिमान तामाङको घर भन्दा माथिबाट झरेको पहिरोले तीन बालिका बेपत्ता भएका थिए । बेपत्ता भएका बिमानकी १८ वर्षीया छोरी सिता तामाङ, पेमा तामाङकी १५ वर्षीया छोरी आशिका दोङ र बिमानको जेठा छोरा पदम तामाङकी छोरी लक्ष्मी तामाङको शव गएराति मृत्त फेला परेको नेकपा माओवादी केन्द्रका स्थानीय नेता बिशाल तामाङले जानकारी दिनुभयो ।
उहाँका अनुसार उनीहरुको शव पोष्टमार्टमका लागि मन्थली अस्पताल लगिएको छ । गएराति आएको पहिरोले घर बगाउँदा तीन बालिका बेपत्ता भएको सूचना पाएपछि प्रहरी टोली खटिएको थियो । उनीहरुको खोजी कार्य गर्ने क्रममा शव फेला परेको प्रहरीले जनाएको छ ।
