सिन्धुली । सिन्धुली प्रहरीले चोरीको मोटरसाईकल सहित दुई जनालाई नियन्त्रणमा लिएको छ ।
सिन्धुपाल्चोकको चौतारा साँगाचोकगढी नगरपालिका–१४ घर भएका २५ वर्षीय गौरब तामाङ र सिन्धुलीको हरीहरपुरगढी गाउँपालिका –५ बस्ने २६ वर्षीय रोशन मोक्तान चोरीको मोटरसाईकल सहित पक्राउ परेका हुन् । उनीहरुलाई नियमित चेकजाँचका क्रममा सिन्धुलीको सुनकोशी गाउँपालिका –१ आँपघारीस्थित विपि लोकमार्गबाट मोटरसाईलसहित नियन्त्रणमा लिईएको सिन्धुलीका प्रहरी निरिक्षक सुनिल प्रसाद चौरसियाले जानकारी दिनुभयो ।
पक्राउ परेका तामाङले चलाएको बागमती प्रदेश ०२–०५० प ७१८८ नम्वरको मोटरसाईकल साउन ७ गते काठमाडौँको टोखाबाट चोरी गरि ल्याएको अनुसन्धानबाट खुलेको सिन्धुली प्रहरीले जनाएको छ ।
पक्राउ परेका दुवै जनालाई आवश्यक कारबाहीका लागि प्रहरी वृत्त महाराजगञ्ज काठमाडौँ पठाईएको छ ।
